الدرس الأول : مرجع كامل للربح من النت فى سؤال وجواب

[حازم زكريا]

بسم الله الرحمن الرحيم

أولا : دة شرح كامل لكل ما يتعلق بالربح من النت فى شكل سؤال وجواب هشرح فية حاجة جديدة بقالى فترة ببحث فيها والحمد لله قدرت أوصل فيها لنتائج كويسة بإذن الله أشرحها ويستفيد منها الجميع

ثانيا : بعض الأسئلة للتوضيح

س : يعنى أية الربح من النت ؟

ج : الربح من النت لة عدة وسائل :

1_ المضاربة وشراء الأسهم " تحتاج رأس مال ودرجة الخطورة كبيرة "

2_ الفوركس " وهو تبادل عملات عن طريق توقع أى منها سوف يهبط سعرة فيتم بيعة مقابل توقع إرتفاع سعر عملة أخرى وأيضا تحتاج رأس مال ودرجة الخطورة متوسطة بعد إتقانها "

3_ شركات الإعلانات والتى تعتمد نظام PTC أى نظام الدفع على كل ضغطة للإعلانات المعروضة

س : أية أضمن طريقة للربح ؟

ج: طريقة شركات الإعلانات

س : لماذا تعتبر طريقة شركات الأعلانات أضمن طريقة للربح ؟

ج : لا تحتاج رأس مال درجة الخطورة 0% تعتبر ربح دون أى مقابل من الخسائر ولكنها تحتاج فقط نشاط وجهد بسيط سيتم توضيحة

س : ما هى شركات الإعلانات وكيفية الربح منها ؟

ج : هشرح الإجابة فى مثال بسيط جدا...دلوقتى هنفترض 3 أصدقاء كالتالى :

الأول : لدية مصنع سيارات وينتج أنواع معينة من السيارات بمواصفات معينة ويريد الإعلان عنها

الثانى : لدية شركة إعلانات

الثالث : مجرد مستهلك

نشرح بقى وبلعامية عشان نفهم...دلوقتى الصديق الأول عايز من الصديق الثانى صاحب شركة الإعلانات أنة يعملة إعلان بحيث يجذب الصديق الثالث المستهلك بانة يشترى راح الصديق الثانى وافق فعلا على الاعلان بس فكر فى فكرة وهى أن بدل ما هو يروح للصديق الثالث عشان يشوف الأعلان فكر فى أنة يخلية هو اللى يروح يشوف الأعلان عندة بس طبعا مافيش مستهلك بيروح يشوف إعلان لمنتج دايما الإعلان اللى بيروح لحد عندة طيب غزاى بقى يخلى الصديق الثالث يروح الفكرة أنة طلب منة يروح لحد عندة الشركة ويشوف الإعلان فى مقابل أن كل مرة يشوف فيها إعلان عندة فى الشركة ياخد مبلغ مالى...هى دى فكرة الربح من الشركات الإعلانية إن الشركات دى اللى بتعملة إنها بتنزل إعلانات عندها أنت كل دورك تدخل تسجل عضوية مجانية وكل يوم بينزلك عدد معين من الإعلانات وكل إعلان بتضغط علية كليك بيتفتح فى صفحة ويحمل عداد ثوانى حسب مدة الاعلان وطبعا كل إعلان لة مبلغ حسب مدتة بس أقصى مدة دقيقة وبعد إنتهاء العداد من التحميل بيتم إضافة مبلغ الإعلان فى رصيدك اللى هى العضوية المجانية المسجلة عند الشركة

س : إزاى هسحب الرصيد من الإعلانات ؟

ج : دة بيتم بشرط وطريقة كالتالى :

الشرط : أن مبلغ رصيدك فى الشركة يكون وصل الحد الأدنى المسموح بية لسحب الرصيد ودة بيختلف من شركة لأخرى وبيكون من غالبا 2 دولار...بمعنى أن لما رصيدك يوصل 2 دولار فما فوق تقدر تسحبة

الطريقة : عن طريق البنك الإلكترونى

س : أية هو البنك الإلكترونى ؟

ج : البنك الألكترونى يعتبر مجرد وسيط بمعنى أن فى بنك على الانترنت بتدخل تسجل فية عضوية مجانية البنك دة كل الشركات الإعلانية بتتعامل معاة كل دورة أنك كل ما رصيدك يوصل فى الشركة الإعلانية للحد الادنى وتقدر تسحبة بتروح محولة على البنك دة فى حسابك ووقت ما تحب تسحبة تسحبة ويجيلك فلوس نقدية

س : إزاى أسحب فلوسى من البنك الألكترونى ؟

ج : عن طريق 3 طرق :

1_ إن التحويل يكون فى صورة شيك يوصلك على عنوان البيت بالبريد

2_ عن طريق ربط حسابك فى البنك الألكترونى بحسابك فى أى بنك زى مثلا بنك NSGB دة بنك كويس جدا ودولى يعنى بيتعامل دوليا

3_ عن طريق ربط حسابك فى البنك الألكترونى بالفيزا كارد أو الماستر كارد ودول تقدر تعملهم من أى بنك ولكن أفضلهم بنك NSGB

بمعنى أن وقت ما تحب تسحب فلوسك من البنك الألكترونى بتدخل وتسجل دخول على حسابك وتطلب تحويل مبلغ معين هيقولك عايز تحولهم إزاى تختار الطريقة سواء شيك أو عن طريق حسابك فى البنك بإنك تكتب رقم حسابك أو تستقبلهم على الفيزا كارد أو الماستر كارد

س : أية أفضل طريقة لسحب الرصيد من البنك الألكترونى ؟

ج : نشرح مميزات وعيوب كل نوع من انواع التحويل الثلاثة :

1_ عن طريق شيك : دة بيوصل الشيك خلال 3 أسابيع أو أسبوعين حسب خدمة البريد فى بلدك

2_ عن طريق التحويل لحسابك فى البنك : بيوصل خلال 3 أيام وبيكون بالدولار بس بتكون عمولة البنك كبيرة

3_ عن طريق التحويل على الفيزا أو الماستر كارد : بيوصل خلال 3 أيام بس بيكون بالجنية المصرى أو حسب عملة بلدك وعمولة البنك بسيطة

نصيحة : الأفضل يكون على حسابك فى البنك لأن طبعا التحويل هيكون بالدولار يعنى معاك الرصيد بالدولار تقدر تحولة للعملة الخاصة ببلدك فى أى وقت وتتحكم فى وقت التحويل حسب سعر الولار يعنى مثلا بدل ما الرصيد يجيلك النهاردة ويكون سعر الدولار 5.60 وطبعا خلاص تم التحويل بالجنية المصرى وتانى يوم تلاقية وصل 5.90 يبقى أنت خسرت طبعا حسب حجم المبلغ الفروق دى هتفرق معاك

س : مش عندى حساب فى البنك ؟

ج : تقدر تعمل حساب فى بنك NSGB وهيكلفك مبلغ بسيط جدا وخلال أسبوعين تستلم الفيزا والحساب البنكى طبعا...وبإذن الله لو حد مش عايز يفتح حساب بأسمة أو شايف أن دة صعب هنوفر هنا إمكانية التحويل على حساب وبعد تحويل المبلغ علية تستلمة باى طريقة سواء رصيد أو حوالة بريدية

س : طريقة المبالغ المحصلة على الإعلانات :

ج : المبلغ بيختلف من شركة لأخرى وحسب مدة الإعلان يعنى إعلان 30 ثانية بيختلف عن إعلان دقيقة

س : عدد الأعلانات فى كل شركة ؟

ج : دة أنت ورزقك بقى يعنى كل ما تدخل تلاقى كام إعلان جداد أو حسب درجة نشاطك يعنى فى شركات كل ما تلاقيك نشيط وبتفتح إعلانات أكتر بينزلك إعلانات أكتر كل شوية

س : يعنى قصر هناخد كام على الأعلان الواحد ؟

ج : حضر ما تزقش هتاخد يا سيدى سنت على كل إعلان وفى شركات بتدى 2 سنت وفى شركات ربع دولار

س : بردة مش فاهم ومش مصدق؟

ج : بص يا سيدى خلاصة الموضوع بتاع سعر كل إعلان كالتالى

1_ شركات ثمن إعلانها بسيط يعنى 1 سنت بس بيكون الحد الأدنى للسحب بسيط يعنى 2 دولار...يعنى لما رصيدك يوصل 2 دولار تقدر تسحبهم بس هيحاسبك كل إعلان بمبلغ 1 سنت

2_ شركات هتديلك الأعلان بمبلغ أكبر بس بتخلى الحد الأدنى كبير يعنى مثلا 200 دولار

س : طب لية لما السعر قليل الحد الادنى قليل والعكس صحيح ؟

ج : لأن دلوقتى لو كل شركة إعلان قالتلك هديلك مبلغ كبير والحد الأدنى قليل تانى يوم مش هتلاقى أعضاء عندها كلة هيقبض ويجرى لكن لازم تحافظ على تواجد الأعضاء بإستمرار ولا هتقعد تتفرج هى على الاعلانات

س : واحد سنت دة قليل قوى ؟

ج : هقولك فعلا بس فى مدرستين لزيادة ربحك ممكن تتبع اللى انت عايزة فيهم

س : أية هم مدارس زيادة الربح ؟

المدرسة الاولى : الأشتراك فى كذا شركة وكل يوم تفتح الشركات كلها شركة شركة وتفتح الأعلانات اللى نزلت فى كل شركة على حدى وتضيف لحسابك

المدرسة الثانية : الريفيرال

س : يعنى أية ريفيرال ؟

ج : يعنى هو أنت فهمت الأولى عشان تسأل عن التانية أصبر على رزقك هقول كل حاجة...المدرسة الأولى نشرحها بمثال حسابى كالتلى :

عدد الشركات المشترك بها :

10 شركات

عدد إعلانات كل شركة :

15 إعلان " للعلم فى بعض الشركات بتوصل ل 50 إعلان بس هنحسب على أقل حاجة "

سعر كل إعلان :

1 سنت " بردة فى شركات زى ما قولنا بتوصل لأكبر من كدة بكتير بس هنقول أقل حاجة "

يبقى المبلغ اليومى = 10 شركات * 15 إعلانات * 1 سنت

= 150 سنت فى اليوم

يبقى شهريا = 150 سنت يوميا * 30 يوم

= 45 دولار شهريا

طبعا الأرقام اللى فوق دى أقل أقل أقل تقدير جداااااااا يعنى مثلا فى شركات زى ما قولت بتوصل الأعلانات فيها 50 إعلان وكمان فى شركات بيكون سعر الأعلان الواحد بيوصل ل 10 دولار أحسب أنت بقى هتاخد كام

س : يعنى أية ريفيرال ؟

ج : طبعا زى ما قولنا الريفيرال هو أسلوب المدرسة الثانية لزيادة الربح ودة نشرحة بمثال...دلوقتى إحنا قولنا أن شركة الاعلانات بتدفعلك فلوس عشان تشوف الاعلانات وتروح لحد عندها تشوفها طب دلوقتى الشركة مش عايزاك أنت بس عايزة ناس تانى طب إزاى بإنها تقولك لو جبت حد من طرفك هديلك على كل إعلان هو يشوفة مبلغ او نسبة معينة ودة بيختلف من شركة لأخرى يعنى شركة تديلك نسبة وشركة تحدد مبلغ ثابت...لو حبينا نطبق دة على أول مثال بتاع الأصدقاء الثلاثة

_ الصديق الثانى بتاع شركة الأعلانات هيقول للصيدق الثالث المستهلك لو جبت واحد كمان هديلك على كل إعلان يشوفة 2 سنت كمان غير اللى انت بتحصلة من إعلاناتك اللى بتشوفها عندى

س : أية فائدة الريفيرال للشركة ؟

ج : أن الشركة هتخليك تجيبلها أعضاء بس طبعا دة لازم يكون بحافز اللى هو المبلغ اللى انت بتاخدة وزيادة إشهار للشركة وإعلاناتها

س : أنا هستفيد أية من الريفيرال ؟

ج : هتستفيد إنك بتزود رصيدك عن طريق دعوة أشخاص جداد للتسجيل عن طريقك عن طريق ان كل إعلان هم يفتحوة أنت بيزيد رصيدك بالمبلغ أو النسبة اللى الشركة حددتها على كل شخص يسجل عن طريقك

س : ممكن تحسبلى هكسب كام من الريفيرال ؟

ج : لو قولنا على نفس المثال السابق اللى هو :

عدد الشركات المشترك بها :

10 شركات

عدد إعلانات كل شركة :

15 إعلان " للعلم فى بعض الشركات بتوصل ل 50 إعلان بس هنحسب على أقل حاجة "

سعر كل إعلان :

1 سنت " بردة فى شركات زى ما قولنا بتوصل لأكبر من كدة بكتير بس هنقول أقل حاجة "

عدد الأشخاص المسجلين عن طريقك " الريفيرال " :

10 أشخاص

النسبة اللى هتحصل عليها من كل ريفيرال يفتح إعلان :

1 سنت

يبقى المبلغ اليومى = 10 شركات * 15 إعلان * 1 سنت * 10 أشخاص

= 1500 سنت فى اليوم

يبقى شهريا = 1500 سنت يوميا * 30 يوم

= 450 دولار شهريا

دة بس اللى هتحصل علية من الريفيرال ضيف بقى عليهم اللى انت بتحصل علية من نشاطك لوحدك

س : إزاى أخلى حد يسجل عن طريقى ؟

ج : وهو بيسجل هيلاقى خانة بأسم RFRERALL هيكتب فيها أسم عضويتك فى الشركة...أو بتديلة لينك جاهز بأسم عضويتك يسجل على طول عن طريقة

س : طب دلوقتى انا فهمت عايز أبتدى أكسب...إزااااااااى؟

ج : دة على مرحلتين :

1 _ التسجيل فى البنك الألكترونى

2_ التسجيل فى الشركات الربحية

س : طب إزاى أسجل فى البنك ؟

ج : من خلال الإطلاع على الموضوع التالى

الدرس الثانى : الخطوة الأولى للربح من النت عن طريق التسجيل فى البنك الألكترونى Alert Pay 2011

س : طب إزاى أسجل فى الشركات ؟

الدرس الثالث : شرح التسجيل فى الشركات الربحية وبدأ الربح منها

كدة أنا الحمد لله خلصت لو حد عندة أى إستفسار أنا موجود